10

សំណួរៈដូចម្ដេចដែលហៅថា អត្តសញ្ញាណជាតិ? តើអត្តសញ្ញាណជាតិមានសារៈសំខាន់អ្វីខ្លះ?

ចម្លើយៈ ដែលហៅថាអត្តសញ្ញាណជាតិ គឺជាគ្រឿងសម្គាល់ ឬលក្ខណៈសម្គាល់ជាពិសេសផ្ទាល់របស់ជាតិ។ ហើយអត្តសញ្ញាណជាតិមានសារសំខាន់ដូចជា៖

          »បង្ហាញនូវលក្ខណៈពិតៗ ដាច់ដោយឡែករបស់ជាតិសាសន៍នីមួយៗ

          »បង្ហាញពីតម្លៃនៃអរិយធម៌ជាតិ

          »បង្ហាញឲ្យយល់ដឹងពីជម្រៅព្រលឹងជាតិ

          »ស្គាល់ពិអត្តចរិតជាតិសាសន៍នីមួយៗ

          »ស្គាល់ពីប្រវត្តិសាស្ត្ររបស់ខ្លួន។

សំណួរៈ ដើម្បីឲ្យអត្តសញ្ញាណជាតិបានគង់វង្ស តើត្រូវធ្វើដូចម្ដេចខ្លះ?

ចម្លើយៈ ដើម្បីឲ្យអត្តសញ្ញាណជាតិបានគង់វង្សត្រូវធ្វើដូចជា៖

          »ការពារវប្បធម៌របស់ខ្លួនក្នុងនោះរួមមាន ភាសា អក្សរសិល្ប៍ ទំនៀមទម្លាប់ប្រពៃណី

          »ពង្រឹងបន្ថែមនូវវប្បធម៌ជាតិឲ្យរឹងមាំ

          »ផ្សព្វផ្សាយឲ្យកូនចៅជំនាន់ក្រោយបានយល់ដឹងព្រមទាំងផ្សព្វផ្សាយទៅបរទេស ដើម្បីពង្រីកនិងគេបានស្គាល់

          »ទប់ស្កាត់ការហូរចូលនូវវប្បធម៌របស់បរទេសដែលមានភាពពាលាអាវ៉ាសែ

          »មានមនសិការចំពោះជាតិមាតុភូមិខ្លួន

          »ចេះឲ្យតម្លៃជាតិសាសន៍ខ្លួន។

សំណួរៈ តើសេចក្ដីថ្លែងការស្ដីពីសិទ្ធិមនុស្សរបស់អង្គការសហប្រជាជាតិក្លាយជាច្បាប់អន្តរជាតិនៅថ្ងៃខែឆ្នាំណា? ហើយវាស្ថិតនៅក្រោមទម្រង់កាតិកាអន្តរជាតិអ្វីខ្លះ?

ចម្លើយៈ សេចក្ដីថ្លែងការស្ដីពីសិទ្ធិមនុស្សរបស់អង្គការសហប្រជាជាតិក្លាយជាច្បាប់អន្តរជាតិនៅថ្ងៃទី១០ ខែធ្នូរ ឆ្នាំ១៩៦៦។ ហើយវាស្ថិតនៅក្រោមទម្រង់កតិកាអន្តរជាតិរួមមានៈ

          »កតិកាសញ្ញាអន្តរជាតិស្ដីពី សិទ្ធិពលរដ្ឋ និងសិទ្ធិនយោបាយ។

          »កតិកាសញ្ញាអន្តរជាតិស្ដីពី សិទ្ធិក្នុងវិស័យសេដ្ឋកិច្ច សង្គមកិច្ច និងវប្បធម៌។

សំណួរៈ តើសិទ្ធិជាអ្វី? សិទ្ធិនារីមានន័យដូចម្ដេច? ហើយគេគោរពបុណ្យសិទ្ធិនារីថ្ងៃខែណា?

ចម្លើយៈ សិទ្ធិ គឺជាអំណាចរូបកាយ និងចិត្តគំនិតក្នុងការធ្វើអ្វីៗរបស់បុគ្គលរូបវន្ដដែលមានពីធម្មជាតិមក ឬដែលបានទួលតាមរយៈការអប់រំ ជាសេរីភាពក្នុងការធ្វើអំពើ ឬសកម្មភាពតាមសេចក្ដីសម្រចនៃអំណាចច្បាប់។ បុគ្គលគ្រប់រូបមានសិទ្ធិដេក ដើរ ឈរ អង្គុយ ឬធ្វើអ្វីៗទៅតាមទំនើងចិត្ត តាមចំណង់តាមតម្រូវការ តាមសមត្ថភាព លទ្ធភាពរបស់ខ្លួនដោយស្ថិតនៅក្នុងក្របខណ្ឌនៃច្បាប់។

          សិទ្ធិនារីសំដៅលើ៖

          »ការលើកកម្ពស់តម្លៃស្ត្រីក្នុងសង្គម

          »ការបង្កលក្ខណៈឲ្យស្ត្រីមានលទ្ធភាពចូលរួមក្នុងគ្រប់សកម្មភាពសង្គម

          »សមភាពយេនឌ័រ និងសមធម៌យេនឌ័រ

          »ការរំឭកឡើហវិញអំពីភាពយុត្តិធម៌ចំពោះស្ត្រីក្នុងអតីតកាល និងការតស៊ូប្រឆាំងនានាដើម្បីស្ត្រីទទួលបានយុត្តិធម៌ក្នុងសង្គម។

          ហើយសិទ្ធិនារី នៅលើសាកលលោកគេតែងតែប្រារព្ធធ្វើនៅថ្ងែទី០៨ ខែមីនា ជារៀងរាល់ឆ្នាំ។