ផ្នែក(ញ)

ញ

» ញញឹមស្មើរ សើចស្ទើរ សំដីពិរោះ ការណ៍ទាំងនេះចូរប្រយ័ត្ន។

» ញញួរប្រើកើតព្រោះមានដង អ្នកផងបានខ្ពស់ព្រោះអ្នកធំ ដូចពេជ្រមានមាសប្រាក់ស្រោបរុំ ទើបបានឧត្តមស្គាល់ថាពេជ្រ។

» ញាក់ដូចគោក្របី នាំអោយខូចក្ដីរាប់អាន។

» ញាតិផ្ទាល់ បើមិនស្គាល់គឺអ្នកដទៃ។

» ញាតិនិងមិត្រ បើញាតិមិនគិត មិត្រប្រសើរជាង។

» ញាប់តែពាក្យ ទ្រគាកស្លាប់ឈឹង ឬ(ទ្រគាកងាប់ស្ដូក)។

» ញាប់ដូចឆ្កែអេះ។

» ញ៉ាមដូចក្ដាមស៊ីអាចម៍។

» ញឹកណាស់ដំរីចេញរួច ជាលភ្នែកក្រួចដាក់ទឹកមិនលេច។

» ញៀននឹងល្បែងតែងហិនហោច។

» ញៀននឹងល្បែងតែងបង់យស។

» ញៀននឹងស្រីចំណីទុក្ខ។

» ញៀននឹងបៀរ គឃៀរស្លៀកពាង។

» ញៀននឹងបៀរប៉ោ អស់ខោអស់អាវ។

» ញៀននឹងស្រា ដេកផ្ងារក្នុងផ្លូវ។

» ញៀននឹងលាភ ថោកទាបដូចសត្វ។