ផ្នែក(ង)

ង

» ងប់នឹងកូនប្រពន្ធទ្រព្យ ព្រះថាអភ័ព្វព្រោះជាប់ចំណងជើង។

» ងប់នឹងញាតិឃ្លាតច្បាប់។

» ងប់នឹងមាសប្រាក់ខូចយសសក្ដា។

» ងប់នឹងប្រុសខូជព្រហ្មចារី។

» ងប់នឹងស្រីចំណីទុក្ខ។

» ងប់នឹងល្បែងតែងវិនាស។

» ងប់នឹងស្រាខូចស្មារតី។

» ងប់នឹងពាក្យសរសើរគេថាភ្លើ។

» ងប់នឹងពាក្យបង្អាប់ស្លាប់គំនិត។

» ងប់នឹងស័ក្ដិយសស្អុយទាំងអស់ក្នុងលោកិយ។

» ងប់នឹងជំនឿរឿគំនិត។

» ងាប់ដើម្បីជាតិមាតុភូមិ ទេវតាឥន្ទ្រព្រហ្មចោមអោយពរ។

» ងាប់ខ្លួន សមសួនជាងងាប់កេរ្ដិ៍ឈ្មោះ។

» ងាប់គំនិត ងងឹតដល់ស្លាប់។

» ងាប់ទាំងរស់ ស្អុយទាំងស្រស់។

» ងាប់ដៃជើង ថ្កើងជាងងាប់ពាក្យសម្ដី។

» ងាប់នឹងស្រី ចង្រៃមួយជាតិ។

» ងាប់នឹងប្រុស ខូចឈ្មោះមួយជាតិ។

» ងាប់នឹងសំដីដូចត្រីកំភ្លាញ។

» ងាប់នឹងអាចម៍ឯង ជាក់ស្ដែងដូចខ្វែក។

» ងាប់ព្រោះគំនិត ដូចកាំបិតចិតដងឯង។

» ងាប់ជាតិ ព្រោះឃ្លាតសាមគ្គី។

» ងាប់នយោបាយ ព្រោះស្ដាយលាភ។

» ងាប់ស្ដូកដូចឃ្លោកទុំ។

» ងាយមិនក្រៃណានឹងបាន មានមិនក្រៃណានឹងអ្នកបានសុខ ចេះក្ដីមិនក្រៃណានឹងម្ចាស់ស្រុក។

» ងើបស្កក ឱ​នដាក់គ្រាប់ ឬ(ងើយ....)។