ផ្នែក(ឃ)

ឃ

» ឃាត់កំហឹងដោយប្រឹងអត់ឲ្យបាន ឃាត់ពាលសាមាន្យដោយអាជ្ញា បុគ្គលឃាត់ចិត្តចាកទោសា ប្រសើរថ្លៃថ្លាក្នុងលោកិយ។

» ឃាត់ចិត្តចាកក្ដីស្នេហា ក្នុងកាមតណ្ហានាលោកិយ ដូចយកអំបោះចងដំរី ពិបាកពេកក្រៃគួរវៀរមុន។

» ខុបឃិតជនពាលរាលទុក្ខដល់ខ្លួន។

» ឃុបឃិតបណ្ឌិត សុខមួយជីវិតឥតតុក្ខា ឃើញខ្លាដេកថាខ្លាស្លាប់ ឃើញខ្លាក្រាបថាខ្លាសំពះ ឃើញគេទៅកុំឲ្យខាន ឃើញគេបានកុំឲ្យទៅ។

» ឃើញឈើពុកកុំអាលដាក់គូថអង្គុយ ឬ(កុំអាលដាក់គូថលើ)។

» ឃើញដំរីជុះកុជុះតាមដំរី ឬ(ដំរីជុះ កុំជុះតាមដំរី)។

» ឃើញថ្លុកថាជាថ្នល់ ក្រែងកំហល់កំហុសមាន។

» ឃើញពីនាយកុំអាលទាយអាក្រក់ល្អ លុះឃើញជាក់ជាខ្មៅសទើបថាបាន បើបណ្ដោយតាមគំនិតដែលគិតស្មាន នឹងរំខានព្រោះការខុសកំហុសខ្លួន។

» ឃើញសម្បកថាខ្លឹមរុក្ខា យល់ពួកបច្ចាថាជាមិត្រ ពាលច្រឡំថាបណ្ឌិត ច្រឡំលាមកពិតថាបុប្ផា។

» ឃ្មុំ​កន្លង់វៀរបងឈើគ្មានផ្កា សត្វម្រឹគាវៀរបងព្រៃភ្លើងឆេះ សត្វបក្សីវៀរឈើគ្មានផ្លែបេះ ចោរតែងវេះវៀរចាកចោរបុព្វេ។

» ឃ្លានកុំអាលស៊ី ងងុយកុំអាលដេក។

» ឃ្លានក្រៃណាឆ្ងាញ់ ស្រឡាញ់ក្រៃណាល្អ ឬ(ពិសាក្រៃណានឹងឃ្លានអាក្រក់ប៉ុន្មានក្រៃណានឹងចិត្ត)។

» ឃ្លេមិនខ្លាចទៅខ្លាចខ្លា(រឿងអាខ្វាក់អាខ្វិន)។

» ឃ្លោកលិច អម្បែងអណ្ដែត។

» ឃ្វាលក្របីជិះក្របី ឃ្វាលគោជិះគោ។

» ឃ្វាលចិត្តលំបាកពេកពិត ដូចឃ្វាលពពក។

» ឃ្វាលគោក្របីដោយអាជ្ញា ឃ្វាលចិត្តល្អជាដោយអំណត់។

» ឃ្វាលចិត្តឥតកំណាញ់ ដោយលះបង់កុំប្រណី។

» ឃ្វាលនគរដោយពលរដ្ឋប្រុសស្រី រួមសាមគ្គីតាមរដ្ឋបុរសជាតិ។