4

សំណួរៈ ដូចម្ដេចដែលហៅថា អំពើអាក្រក់?ហើយវាចែកចេញជាប៉ុន្មានបែប?អ្វីខ្លះ?

ចម្លើយៈ ដែលហៅថាអំពើអាក្រក់ ជាអំពើមួយនាំឲ្យចិត្តសៅហ្មង នាំខូចខាតដល់ប្រយោជន៍ឲ្យកើតទុក្ខលំបាកដល់ខ្លួនឯង និងសង្គម។

          អំពើអាក្រក់ត្រូវបានគេបែងចែកចេញជា ៣បែបគឺៈ

          ក. អំពើអាក្រក់ដោយកាយ

          -បាណាតិបាតៈ សម្លាប់ជីវិត

          -អាទិន្នាទានៈ អំពើគៃបន្លំ លួចប្លន់ទ្រព្យសម្បត្តិអ្នកដទៃ

          -កាមេសុមច្ឆាចារាៈ អំពើខុសឆ្គងក្នុងកាមទាំងឡាយ

          ខ. អាក្រក់ដោយវាចារ

          -ពាក្យសំដីកុហកបោកបញ្ឆោត

          -ពាក្យសម្ដីញុះញុង អុចអាល ចាក់ដោត

          -ពាក្យសំដីត្រគោះបោះបោក

          -ពាក្យសំដីឥតប្រយោជន៍

          គ. អំពើអាក្រក់ដោយចិត្ត

          -មានគំនិតលោភលន់ចង់បានទ្រព្យសម្បត្តិអ្នកដទៃ

          -មានគំនិតបៀតបៀនប្រទូសរាយជាមួយអ្នកដទៃ

      -គំនិតយល់ខុសឆាកគន្លងធម៌ គឺយល់ថាក្នុងលោកនេះ គ្មានបាប គ្មានបុណ្យ ឪពុកម្ដាយគ្មានគុណអានន្ត គុណអាស្រ័យ។

សំណួរៈ ហេតុអ្វីបានជា គេនិយាយថាសិល្បៈស្ថាបត្យកម្មខ្មែរឆ្លុះបញ្ចាំងពីចរិត និងទេពកោសល្យរបស់បុព្វបុរសជាតិ?

ចម្លើយៈបានជាស្ថាបត្យកម្មខ្មែរឆ្លុះបញ្ចាំងពីចរិតនិងទេពកោសល្យរបស់បុព្វបុរសជាតិពីព្រោះស្ថាបត្យកម្មខ្មែរផ្នែកសំណង់បុរាណ មានប្រាសាទអង្គរវត្តជាដើមនោះ ដែលអាចចាត់ទុកជា ភស្ដុតាងបញ្ជាក់ថាបុព្វបុរសខ្មែរ មានទេពកិសល្យប្រកបដោយចំណេះដឹង វិទ្យាសាស្ត្រខ្ពស់ខាងសំណង់ព្រោះទិដ្ឋភាពទាំងនោះឃើញមានតែការលើកដុំថ្មដាក់បន្តុបបន្តគ្នា ឬតម្រូវលើគ្នាដោយគ្មានប្រើដែកសរសៃ ឬបាយអអ្វីឡើយ ហើយមានជំហរឹងមាំទ្រាំទ្របាននិងអាកសធាតុរាប់សតវត្ស។ ម្យ៉ាងទៀតស្ថាបត្យកម្មផ្នែកចម្លាក់ ក៏បញ្ជាក់ពីសក្ខីភាពថាជនជាតិខ្មែរក៏ជនជាតិដែលចរិតឧស្សាហ៍ព្យាយាម តស៊ូអំណត់ស្វិតស្វាញ នឹងការងារណាស់។បើគ្មានចិត្តអំណត់ទេ ក៏មិនអាចសម្រេចបាននូវក្បូរក្បាច់រចនារស់រវើក ល្វតល្វន់តាមក្បាច់លិប លៀន លោត​ ដូចមាននៅតាមជញ្ជាំង ឬថែវប្រសាទសិលានោះបានឡើយ។